SHARE
Sunday, November 15, 2026
எதிர்ப்பின் அரசியலில் சிவாஜிலிங்கம்!
எதிர்ப்பின் அரசியலில் சிவாஜிலிங்கம்!
பார்த்தீபன் ஈழம் 15-11-2026
அரசியலில் சிலர் தமது பதவிகளாலும் அதிகாரங்களாலும் அறியப்படுவதுதான் வழக்கமானது. இன்னும் சிலர் தமது அரசியல் நிலைப்பாடுகளாலும், தொடர்ச்சியான எதிர்ப்புச் செயற்பாடுகளாலும் அடையாளம் காணப்படுகிறார்கள். ம.க. சிவாஜிலிங்கம் இரண்டாவது வகையைச் சேர்ந்த ஓர் ஈழத் தமிழ் அரசியல் தலைவர். வடக்கு, கிழக்கு தமிழர்களின் அரசியல் உரிமைகள், போருக்குப் பிந்தைய நிலைமைகள், நினைவேந்தல் உரிமைகள் ஆகியவற்றுக்காகத் தொடர்ந்து குரல்கொடுத்துவந்த அவர், தனது 69ஆவது வயதில் நவம்பர் 14ஆம் திகதி காலமானார். அவரது மறைவு, நீண்டகாலமாக வடக்கு அரசியலில் இயங்கிய குறிப்பிடத்தக்கதொரு அரசியல் இழப்பாகும்.
பாராளுமன்ற உறுப்பினராக!
1957ஆம் ஆண்டு ஆகஸ்ட் 15ஆம் திகதி வடமராட்சி வல்வெட்டித்துறையில் பிறந்த சிவாஜிலிங்கம், தனது அரசியல் பயணத்தைத் தமிழீழ விடுதலை இயக்கமான ரெலோவின் (TELO) ஊடாக ஆரம்பித்தார். ஆயுதப் போராட்டச் சூழலில் அரசியலுக்குள் நுழைந்த அவர், பின்னர் ரெலோ ஜனநாயக அரசியல் வழிமுறைக்கு வந்தபோது அதன் முக்கிய அரசியல் செயற்பாட்டாளராகவும் தலைவர்களில் ஒருவராகவும் விளங்கினார்.
2001ஆம் ஆண்டு தமிழ்த் தேசியக் கூட்டமைப்பு உருவாக்கப்பட்டபோது அதில் பங்களித்த அரசியல் தலைவர்களில் சிவாஜிலிங்கமும் ஒருவர். ரெலோ உள்ளிட்ட தமிழ் அரசியல் கட்சிகள் ஒன்றிணைந்து உருவாக்கிய அந்தக் கூட்டமைப்பின் ஊடாக 2001, 2004ஆம் ஆண்டுகளில் நடைபெற்ற பொதுத்தேர்தல்களில் யாழ்ப்பாண மாவட்டத்திலிருந்து நாடாளுமன்றத்திற்குத் தெரிவானார். பின்னர் 2013ஆம் ஆண்டு நடைபெற்ற வடக்கு மாகாண சபைத் தேர்தலில் வெற்றிபெற்று மாகாண சபை உறுப்பினராகவும் செயற்பட்டார்.
நினைவேந்தல் போராட்டக் களங்கள்
2009ஆம் ஆண்டுக்குப் பின்னரான தமிழர் அரசியல் சூழலில் சிவாஜிலிங்கம் கவனத்திற்கு உரியவராகினார். ஆயுதப் போராட்டம் முடிவுக்குக் கொண்டுவரப்பட்ட பின்னர், தமிழ் மக்களின் அரசியல் உரிமைகள், காணி அபகரிப்பு, இராணுவப் பிரசன்னம், காணாமல் ஆக்கப்பட்டோர் விவகாரம், அரசியல் கைதிகள் மற்றும் போர்க்காலப் பொறுப்புக்கூறல் போன்ற பல பிரச்சினைகள் தொடர்ந்து பேசப்பட வேண்டியிருந்தன. இந்த விவகாரங்களில் சிவாஜிலிங்கம் தீவிரமான அரசியல் நிலைப்பாட்டை எடுத்தார்.
குறிப்பாக, போரில் உயிரிழந்தவர்களை நினைவுகூரும் உரிமையைப் பாதுகாப்பதற்காக அவர் முன்னெடுத்த செயற்பாடுகள் குறிப்பிடத்தக்கவை. அரசாங்கத்தின் தடைகள், பொலிஸ் நடவடிக்கைகள் மற்றும் நீதிமன்ற உத்தரவுகள் காணப்பட்ட காலப்பகுதிகளிலும் நினைவேந்தல் நிகழ்வுகளை நடத்துவதற்கு அவர் முன்வந்தார். தியாக தீபம் திலீபனின் நினைவேந்தல், மாவீரர் நினைவுகள் மற்றும் போரில் உயிரிழந்த மக்களை நினைவுகூரும் நிகழ்வுகளில் அவரது பங்களிப்பு இதற்குச் சான்றாகும்.
சிவாஜிமீது சட்டநடவடிக்கை
2020ஆம் ஆண்டு திலீபனின் நினைவேந்தல் நிகழ்வில் பங்கேற்றமைக்காக அவர் கைது செய்யப்பட்டார். பின்னர் அந்த நிகழ்வை ஏற்பாடு செய்தமை தொடர்பில் சட்ட நடவடிக்கைகளையும் எதிர்கொண்டார். 2023ஆம் ஆண்டு கொழும்பு மேல் நீதிமன்றத்தில் அவருக்கு எதிராகக் குற்றப்பத்திரிகை தாக்கல் செய்யப்பட்டது. இத்தகைய சம்பவங்கள், இலங்கையில் தமிழ் மக்களின் நினைவேந்தல் உரிமை எதிர்கொண்ட அரசியல் மற்றும் சட்டரீதியான நெருக்கடிகளை வெளிப்படுத்தியதுடன், அந்தச் சூழலில் சிவாஜிலிங்கம் எடுத்த நிலைப்பாட்டையும் வெளிப்படுத்தின.
தமிழீழ விடுதலைப் புலிகள் அமைப்பின் தலைவர் வேலுப்பிள்ளை பிரபாகரனுடன் குடும்ப உறவைக் கொண்டிருந்த சிவாஜிலிங்கம், போருக்குப் பின்னரும் பிரபாகரனைத் தமிழ்த் தேசிய அரசியலின் தலைவராக வெளிப்படையாகக் குறிப்பிட்டு வந்தார். பிரபாகரனின் பெற்றோருடனும் நெருக்கமான உறவைப் பேணினார். குறிப்பாக, பிரபாகரனின் தந்தை வேலுப்பிள்ளையின் இறுதிக்கிரியைகளை ஒழுங்கமைத்ததுடன், தாயார் பார்வதி அம்மாளின் பராமரிப்பு மற்றும் மருத்துவ உதவிகளிலும் ஈடுபட்டார். அரசியல் உறவுகளுக்கு அப்பால், தனிப்பட்ட பொறுப்புணர்வின் அடிப்படையிலும் அவர் செயற்பட்டமை அவரது வாழ்க்கையின் குறிப்பிடத்தக்க பக்கமாகும்.
தனித்துப் போட்டியிடுதல்
தமிழர் அரசியல் பிரச்சினைகளை இலங்கைக்கு வெளியேயும் எடுத்துச் செல்லும் முயற்சிகளிலும் அவர் ஈடுபட்டார். 2014ஆம் ஆண்டு ஜெனீவாவில் நடைபெற்ற ஐ.நா. மனித உரிமைகள் பேரவையின் அமர்வின்போது, போர்க்கால மனித உரிமை மீறல்கள் தொடர்பான சர்வதேச விசாரணைக்கான கோரிக்கையை முன்வைத்தார். அத்துடன் சுயாட்சிக்கான பொதுவாக்கெடுப்பு, சர்வதேச விசாரணையை தொடர்ந்து வலியுறுத்தியும் வந்தார். அத்துடன் இந்தியாவிலும் தமிழ் மக்களின் அரசியல் பிரச்சினைகளை முன்னிறுத்திய போராட்டங்களில் பங்கேற்றார். வடக்கு, கிழக்கில் நடைபெற்ற பல்வேறு எதிர்ப்புப் போராட்டங்களிலும் உண்ணாவிரதப் போராட்டங்களிலும் அவரது பங்களிப்பு இருந்தது.
எனினும், சிவாஜிலிங்கத்தின் அரசியல் பயணம் விமர்சனங்களுக்கு அப்பாற்பட்டதாக இருக்கவில்லை. அவரது அரசியல் அணுகுமுறையின் முக்கியமான பலவீனமாகத் தனித்துப் போட்டியிடும் அரசியல் முடிவுகள் கருதப்படுகின்றன. கூட்டுத் தலைமைத்துவத்துடன் ஏற்பட்ட முரண்பாடுகளும்கூட சிவாஜிலிங்கத்தின் விமர்சனப் பகத்திற்கு உரியவையாக ஒரு தரப்பால் சொல்லப்படுகிறது.
2010ஆம் ஆண்டு ஜனாதிபதித் தேர்தலில் தமிழ்த் தேசியக் கூட்டமைப்பின் தீர்மானத்திற்கு மாறாகச் சுயேச்சை வேட்பாளராகப் போட்டியிட்டார். அப்போது கூட்டமைப்பு சரத் பொன்சேகாவை ஆதரித்திருந்தது. சிவாஜிலிங்கத்தின் தனித்துப் போட்டியிடும் முடிவு தமிழ் வாக்குகளின் அரசியல் திசையைப் பலவீனப்படுத்தியதாகச் சில தமிழ் அரசியல் விமர்சகர்கள் கருதினர். அந்தத் தேர்தலில் அவர் 9,662 வாக்குகளையே பெற்றார். 2015ஆம் ஆண்டு மகிந்த ராஜபக்ச குருநாகல் மாவட்டத்தில் போட்டியிட்டபோது, அவருக்கு எதிராக சிவாஜிலிங்கம் சுயேச்சைக் குழுவை நிறுத்தியிருந்தார். அந்தத் தேர்தலில் சிவாஜிலிங்கத்தின் குழு மிகக் குறைந்த வாக்குகளையே பெற்றது. தன்னை தோற்கடிக்கும் சதி என மகிந்த ராஜபக்சவின் இனவாதப் பிரச்சாரங்களுக்கு மறைமுக வாய்ப்பை ஏற்படுத்தியது.
ரெலோவிலிருந்து மன வெளியேற்றமா?
2019ஆம் ஆண்டிலும் ஜனாதிபதித் தேர்தலில் போட்டியிடுவதற்கு அவர் எடுத்த முடிவு தனது சொந்தக் கட்சியான ரெலோ கட்சிக்குள் முரண்பாட்டை ஏற்படுத்தியது. கட்சியின் தீர்மானத்திற்கு மாறாகப் போட்டியிட்டதால் ஒழுக்காற்று நடவடிக்கையை எதிர்கொண்ட அவர், பின்னர் கட்சியிலிருந்து விலகினார். இந்தச் சம்பவங்கள், அவரது அரசியல் உறுதிப்பாடு ஒருபுறமிருக்க, கூட்டுச் செயற்பாடுகளையும் அரசியல் ஒருங்கிணைப்பையும் பேணுவதில் அவர் எதிர்கொண்ட சிக்கல்களை வெளிப்படுத்துகின்றன.
அவரது அரசியல் வாழ்வில் மற்றொரு கவனிக்கத்தக்க முரண்பாடும் உள்ளது. ரெலோவின் உறுப்பினராக அரசியலுக்கு வந்த அவர், 1986ஆம் ஆண்டு விடுதலைப் புலிகளுக்கும் ரெலோவுக்கும் இடையில் ஏற்பட்ட மோதலின்போது உயிர்தப்பியவர்களில் ஒருவர். பின்னாளில் அதே விடுதலைப் புலிகள் அமைப்பையும் அதன் தலைமையையும் வெளிப்படையாக ஆதரித்த அரசியல் குரலாக அவர் மாறினார். இது அவரது அரசியல் நிலைப்பாட்டின் பரிணாமத்தையும், தமிழ்த் தேசிய அரசியலில் காலப்போக்கில் உருவான மாற்றங்களையும் புரிந்துகொள்வதற்கான முக்கியமான வரலாற்றுப் புள்ளியாகும்.
தேச நலனுக்கான மதிப்பீடு
அரசியல் ரீதியாகப் பல ஏற்ற இறக்கங்களைச் சந்தித்த சிவாஜிலிங்கம், தனது இறுதிக் காலத்தில் மீண்டும் உள்ளூராட்சி அரசியலில் ஈடுபட்டார். 2025ஆம் ஆண்டின் இறுதியில் வல்வெட்டித்துறை நகர சபையின் தவிசாளராகப் பொறுப்பேற்றார். நாடாளுமன்றத்திலும் மாகாண சபையிலும் பணியாற்றிய ஒருவர், தனது அரசியல் பயணத்தின் இறுதிக் கட்டத்தில் பிறந்த மண்ணின் உள்ளூராட்சி நிர்வாகப் பொறுப்பை ஏற்றிருந்தார். சிவாஜிலிங்கத்தின் மறைவை ஒரு தனிநபரின் இழப்பாக மட்டும் பார்க்க முடியாது. போருக்குப் பின்னரான தமிழ் அரசியலில் நினைவேந்தல், உரிமை, எதிர்ப்பு, தேசிய அடையாளம் ஆகியவற்றை முன்னிறுத்திய ஒரு அரசியல் தலைமுறையின் அனுபவங்களையும் முரண்பாடுகளையும் அவரது வாழ்க்கை பிரதிபலிக்கின்றது.
ஒரு அரசியல் தலைவரை மதிப்பிடுவது அவரது மறைவுக்குப் பின்னர் அவரைப் புகழ்வதன் மூலம் மட்டும் நிகழக்கூடாது. அவர் வாழ்ந்த காலத்தின் அரசியல் சூழல், அவர் எடுத்த முடிவுகள், அவர் முன்னெடுத்த போராட்டங்கள், அவற்றின் வெற்றிகள், தோல்விகள், முரண்பாடுகள் அனைத்தையும் வரலாற்றின் முன் வைத்து மதிப்பிடுவதிலேயே அவரது உண்மையான அரசியல் பங்களிப்பு புரிந்துகொள்ளப்பட முடியும். சிவாஜிலிங்கத்தின் இழப்பின்போதும் அத்தகையதொரு திறந்த வரலாற்று மதிப்பீட்டை நிகழ்த்துவது எமது தேசத்திற்கே நலனாகும்.
அந்நாருக்கு அஞ்சலி!
Global Resource Wealth: Sovereign Valuation & Strategic Imperatives
Global Resource #Wealth: Sovereign Valuation & Strategic Imperatives
An analysis of global natural resource reserves reveals profound #geopolitical and economic divides. 🇷🇺 #Russia leads globally with an estimated $75.7 trillion in reserves, anchored by diverse holdings in fossil fuels, timber, #gold, and rare earths. The 🇺🇸 #UnitedStates ($45.0T), 🇨🇦 #Canada ($33.2T), and 🇦🇺 #Australia ($19.9T) maintain highly resilient, diversified asset portfolios spanning energy and industrial metals.
Conversely, nations like 🇸🇦 #SaudiArabia ($34.4T), 🇮🇷 #Iran ($27.3T), and 🇮🇶 #Iraq ($15.9T) display severe monoculture concentration, leaning heavily on hydrocarbons.
As the #globaleconomy transitions toward #cleanenergy, #artificialintelligence, and electrification, nations controlling critical transition minerals and diversified resource baskets hold superior strategic leverage. Hydrocarbon-dependent economies face long-term devaluation risks, necessitating aggressive economic diversification, secure supply-chain investments, and advanced capital allocation frameworks to hedge against #future structural market shifts.
Saturday, November 14, 2026
WEBINAR:The Future of Indo-Pacific Security

Thursday, November 12, 2026
Debt-to-GNI ratio: Sri Lanka records 54%
Debt-to-GNI ratios across SAARC show a wide gap in external debt burdens. India records the lowest ratio at 20%, followed by Bangladesh at 24% and Nepal at 26%. Pakistan stands at 41%, while Sri Lanka records 54% and Bhutan 99%.
The figures show how external debt compares with the size of national income across the region, with lower ratios generally indicating a smaller external debt burden relative to GNI.
The regional aggregate stands at 21%.
Wednesday, November 11, 2026
Top 10 BIGGEST IMF BORROWERS
A comparison of the top 10 countries by outstanding IMF loans, measured in billions of Special Drawing Rights (SDR).
Argentina tops the list at SDR 41.97 billion, followed by Ukraine at SDR 10.50 billion and Pakistan at SDR 7.88 billion.
Source: IMF, Total Credit Outstanding
Note: Data as of 6 November 2026. Figures are shown in SDR billions.
Tuesday, November 10, 2026
தமிழ் நூல்த் தடை-HRCSL வழங்கிய பரிந்துரை
தமிழ் நூல்த் தடை-மனித உரிமைகள் ஆணைக்குழு வழங்கிய பரிந்துரை
தி டெய்லி மோனிங் பத்திரிகையில்! இலங்கை சுங்கத்துறை புத்தகங்களை விடுவிக்க வேண்டுமென வலியுறுத்தி மனித உரிமைகள் ஆணைக்குழு வழங்கிய பரிந்துரை குறித்த செய்தி.
Sunday, November 08, 2026
வார இறுதி 15,16,17 ம் திகதிகளின் காலநிலை அவதானிப்பு-NPR
08.11.2026 ஞாயிற்றுக்கிழமை இரவு 7.00 மணி
உருவாகவுள்ள தாழமுக்கம், கனமழை, வெள்ளப்பெருக்கு, நிலச்சரிவு தொடர்பான விழிப்புணர்வு பதிவு
எதிர்வரும் 14.11.2026 அன்று தென்கிழக்கு வங்காள விரிகுடாவில் ஒரு புதிய தாழமுக்கம் உருவாகும் வாய்ப்புள்ளது. இது ஆரம்பத்தில் மேற்கு வட மேற்கு திசையில் நகர்ந்து இலங்கையின் தென்கிழக்குப் பகுதியை அடைந்து அதன் பின்னர் வடக்கு நோக்கி இலங்கையின் கிழக்கு மற்றும் வடக்கு கரையோரமாக நகர்ந்து தமிழகத்துக்குச் செல்லும் என எதிர்பார்க்கப்படுகிறது.
இது இலங்கையின் கிழக்கு மற்றும் வடக்கு கரையோரமாக நகரும் போது காற்றழுத்த தாழ்வு மண்டலமாக வலுப்பெறும் வாய்ப்புள்ளது.
இதனால் இலங்கையின் பல பகுதிகளுக்கும் எதிர்வரும் 15.11.2026 முதல் கனமழை முதல் மிகக் கனமழை கிடைக்கும் வாய்ப்புள்ளது.
குறிப்பாக எதிர்வரும் 15,16,17 ம் திகதிகளில் வடக்கு, கிழக்கு, மத்திய, மேற்கு, தெற்கு, வடமேற்கு, சப்ரகமுவா, ஊவா மாகாணங்களில் திரட்டிய மழைவீழ்ச்சியாக 250 மி.மீ. மழை கிடைக்கும் வாய்ப்புள்ளது.
தாழமுக்கம் கிழக்கு மாகாணத்தை நோக்கி நகரும் போது, கிழக்கு, தெற்கு, ஊவா, மேற்கு மாகாணங்களும், இலங்கையின் தென்கிழக்குப் பகுதியை அண்மித்து வடக்கு நோக்கி நகரத் தொடங்கும் போது வடக்கு, கிழக்கு,வட மேற்கு, மேற்கு, தெற்கு, மத்திய, சப்ரகமுவா மாகாணங்கள் கனமழையைப் பெறும்.
இப்பருவத்தில் வங்காள விரிகுடாவில் உருவாகி இலங்கையை அண்மித்து நகரும் முதல் தாழமுக்கம் இதுவாகும்.

இந்த தாழமுக்கம் காரணமாக:
1) வெள்ள அனர்த்த வாய்ப்புக்கள்,
தற்போது இலங்கை முழுவதும் கீழைக்காற்றின் செல்வாக்கு காரணமாகவும் இலங்கையின் தெற்கே காணப்படும் வளிமண்டல தளம் பல் நிலை காரணமாகவும் வடக்கு, கிழக்கு மாகாணங்கள் உட்பட நாட்டின் பல பகுதிகளுக்கும் கிடைக்கும் மழை எதிர்வரும் 14.11.2026 வரை தொடரும் வாய்ப்புள்ளது. குறிப்பாக எதிர்வரும் 09ம் திகதிக்கு பின் மழை தீவிரமடையும்.
அந்த வகையில் நாளையும்(09.11.2026)நாளை மறுதினமும் (10.11.2026) எதிர்வரும் 11.11.2026 அன்றும் வடக்கு,மத்திய, சப்ரகமுவா, தெற்கு, மேற்கு, ஊவா மாகாணங்களின் பல பகுதிகளுக்கும் பரவலாக கனமானது முதல் மிகக் கனமானது வரை மழை கிடைக்கும் வாய்ப்புள்ளது. இந்த நாட்களில் மேற்குறிப்பிட்ட மாகாணங்களின் சில பகுதிகளுக்கு சிறிய அளவிலான வெள்ள அனர்த்த நிகழ்வுகள் ஏற்படக்கூடும்.
இதனால் தற்போது கிடைக்கும் தொடர்ச்சியான மழை காரணமாக எதிர்வரும் 14ம் திகதி அன்று நிலம் முழு ஈரப்பதக் கொள்ளளவை எட்டி விடும். சில இடங்களில் மழைநீர் சில இடங்களில் தேங்கி நிற்கும்.
இத்தகைய சூழலில் எதிர்வரும் 14 அன்று உருவாகவுள்ள தாழமுக்கத்தின் காரணமாக இலங்கையின் பல பகுதிகளுக்கும் கனமழை முதல் மிகக் கனமழை கிடைக்கும் வாய்ப்புள்ளது.
ஆகவே எதிர்வரும் 15,16,17 ம் திகதிகளில் கிழக்கு, வடக்கு, மேற்கு, வட மேற்கு ,மத்திய, தெற்கு, சப்ரகமுவா, ஊவா மாகாணங்களின் பல பகுதிகளுக்கும் வெள்ள அனர்த்தம் நிகழ்வதற்கான வாய்ப்புக்கள் உள்ளன.
2) வேகமான காற்று வீசுகை
இந்த தாழமுக்கம் நகரும்போது இலங்கையின் கிழக்கு கரையோரமாகவே நகரும். இதன்போது இலங்கையின் அம்பாந்தோட்டை, மொனராகலை, பதுளை, அம்பாறை, மட்டக்களப்பு, திருகோணமலை, பொலன்னறுவை, முல்லைத்தீவு, வவுனியா, மன்னார், கிளிநொச்சி, யாழ்ப்பாணம் மாவட்டங்கள் தாழமுக்கத்தின் வெளிவளையத்திற்குள் உள்வாங்கப்படும்.
இதனால் அம்பாந்தோட்டை,அம்பாறை, மட்டக்களப்பு, திருகோணமலை, முல்லைத்தீவு, யாழ்ப்பாணம் மாவட்டங்களின் கரையோரப் பகுதிகளில் எதிர்வரும் 15,16,17,18 ம் திகதிகளில் காற்று மணிக்கு 35-50 கிலோமீற்றர் வேகத்தில் வீசும். இம்மாவட்டங்களின் உள் நிலப்பகுதிகளில் காற்று மணிக்கு 25- 35 கிலோ மீற்றர் வேகத்தில் வீசும்.
3) தயார்ப்படுத்தல் செயற்பாடுகள்
1. வடக்கு, கிழக்கு, மேற்கு, தெற்கு, சப்ரகமுவா, ஊவா, மத்திய, வட மத்திய, வடமேற்கு மாகாணங்களின் தாழ்நிலப் பகுதிகளும், வழமையாக வெள்ளம் நிற்கும் பகுதிகளிலும் எதிர்வரும் 14.11.2026 முதல் 18.11.2026 வரை விசேட அவதானம் செலுத்த வேண்டும். கனமழை மற்றும் வெள்ள அனர்த்தம் தொடர்பில் மக்களுக்கும் விழிப்பூட்ட வேண்டும்.
2. வடக்கு, கிழக்கு, வட மத்திய, ஊவா மாகாணங்களிலும் அம்பாந்தோட்டை மாவட்டத்திலும் உள்ளவர்கள், உங்கள் வீடுகளுக்கு அருகில் உள்ள வேகமான காற்றினால் முறிந்து விழக்கூடிய, அல்லது பாறி விழக்கூடிய மரங்களை அகற்றி அல்லது அவற்றின் விதானங்களின் அளவைக் குறைக்க வேண்டும்.
3. வடக்கு, கிழக்கு, வட மத்திய, மத்திய, சப்ரகமுவா, மேற்கு, வட மேற்கு, தெற்கு ஊவா மாகாணங்களில் உள்ளவர்கள், உங்கள் பகுதிகளில் கனமழையின் போது சீரான வெள்ள ஓட்டத்தைத் தடை செய்யக்கூடிய இடங்களை அடையாளம் கண்டு அவற்றின் தடைகளை அகற்றுதல்.
4. வேகமான காற்று மற்றும் கனமழையினால் உடைந்து விழக்கூடிய கட்டுமானப் பகுதிகளை அடையாளம் கண்டு உரிய பாதுகாப்பு ஏற்பாடுகளை மேற்கொள்ளுதல்.
5. மத்திய, ஊவா, சப்ரகமுவா, மாகாணங்களிலும் குருநாகல் மாவட்டத்திலும் உள்ள மக்கள் எதிர்வரும் 14,15,16,17 ம் திகதிகளில் உள்ள மக்கள் கனமழையோடு கூடிய நிலச்சரிவு நிகழ்வுகள் தொடர்பில் மிகவும் எச்சரிக்கையாகவும் அவதானமாகவும் இருப்பது அவசியம்.
6. எதிர்வரும் 14.11.2026 முதல் 18.11.2026 வரை வடக்கு, கிழக்கு, தென்கிழக்கு கடற்பகுதிகள் கொந்தளிப்பான நிலையில் காணப்படும் என்பதனால் மீனவர்கள் இக்காலப்பகுதியில் கடலுக்குச் செல்வதை முற்றாகத் தவிர்க்க வேண்டும்.
7. தற்போது வடக்கு மற்றும் கிழக்கு மாகாணங்கள் உட்பட நாட்டின் பல பகுதிகளிலும் கிடைக்கும் மழை எதிர்வரும் 10.11.2026 முதல் தீவிரமடையும். எதிர்வரும் 14.11. 2026 அன்று தாழமுக்கம் உருவாகி எதிர்வரும் 18.11.2026 வரை கனமழை கிடைக்கும். எனவே இந்த நாட்களைக் கருத்தில் கொண்டு மழை மற்றும் வேகமான காற்று வீசுகையினால் பாதிக்கப்படக்கூடிய உங்கள் செயற்பாடுகளைத் திட்டமிடுங்கள்.
அன்புக்குரிய உறவுகளே,
இது ஒரு நீண்ட கால வானிலை முன்னறிவிப்பு. எதிர்வரும் 14.11.2026 அன்று உருவாகவுள்ள தாழமுக்கம் எத்தகைய பாதிப்புக்களையும் ஏற்படுத்தாமலும் விடலாம். ஆனால் போதுமான விழிப்போடும் தயார்ப்படுத்தலோடும் இருப்பதில் தவறொன்றும் இல்லை. ஏனென்றால் நாம் தயாராக இருந்து அனர்த்தம் நிகழவில்லை என்றால் எமக்கு எந்தப் பாதிப்பும் இல்லை. ஆனால் தயாராக இல்லாமல் இருந்து அனர்த்தம் நிகழ்ந்தால் எமக்கு மீள முடியாத பாதிப்புக்கள் ஏற்படும்.
உருவாகவுள்ள தாழமுக்கம் தொடர்பாகவும் தற்போது கிடைக்கும் பரவலான மழை தொடர்பான விபரங்களும் தொடர்ச்சியாக இற்றைப்படுத்தப்படும்.
அனைவருக்கும் இனிய தீபாவளி நல்வாழ்த்துகள்!
- நாகமுத்து பிரதீபராஜா -
Friday, November 06, 2026
IMF Credit outstanding across the SAARC Countries

Pakistan holds the largest outstanding IMF credit among SAARC countries at USD 7.88 billion, accounting for more than half of the region’s total outstanding IMF credit. Bangladesh follows with USD 2.87 billion, while Sri Lanka has USD 2.19 billion outstanding. Together, these three countries account for the vast majority of IMF credit currently outstanding across the region.
The wide gap highlights the different levels of dependence on IMF financing across South Asia. Pakistan’s outstanding balance is nearly 2.7 times Bangladesh’s and more than 3.5 times Sri Lanka’s, while Nepal has a relatively small balance of USD 0.41 billion. India and Bhutan have no outstanding IMF credit, indicating no current repayment exposure to the Fund.
பங்குச் சந்தையில் சூதாட மாணவர்கள் ஊக்குவிப்பு!
Sri Lanka’s New Budget Encourages Students to Invest in High-Risk Assets Posted on November 12, 2026 by Sienna De Silva Sri Lanka’s propo...
-
தமிழகம் வாழ் ஈழத்தமிழர்களை கழகக் கண்டனப் பொதுக்கூட்டத்தில் கலந்து கொள்ளக் கோருகின்றோம்!
-
சமரன்: தோழர்கள் மீது எடப்பாடி கொலை வெறித்தாக்குதல், கழகம்...











