இஸ்ரேல், பாலஸ்தீனம் மோதல் எரிபொருள் விலை அதிகரிக்க வாய்ப்பு: ரணில்

10 அக்டோபர் 2023

இலங்கையில் உள்ள சுற்றுலாப் பயணிகள் மற்றும் தொழிலாளர்கள் உட்பட இஸ்ரேலியர்கள் இஸ்ரேலுக்குத் திரும்ப உதவுவதற்கு உதவி கோரும் அதேவேளை, இலங்கைக்குள் இஸ்ரேலியர்களுக்குத் தேவையான பாதுகாப்பை வழங்குமாறு பொலிஸாருக்கு ஜனாதிபதி பணிப்புரை விடுத்துள்ளதாக ஜனாதிபதி ஊடகப் பிரிவு (PMD) தெரிவித்துள்ளது.

ஜனாதிபதி விக்கிரமசிங்க

இஸ்ரேல் மற்றும் பாலஸ்தீனத்தில் நிலவி வரும் மோதல்கள் நீடித்து வரும் எரிபொருள் விலை உயர்வுக்கு வழிவகுக்கும் என்றும், இலங்கை உள்ளிட்ட வளரும் பொருளாதாரங்களை மோசமாக பாதிக்கும் என்றும் ஜனாதிபதி ரணில் விக்கிரமசிங்க நேற்று தெரிவித்தார்.

“பெட்ரோல் விலை பீப்பாய்க்கு 100 அமெரிக்க டாலராக உயரும் என்றும் ,அதன் பிறகு பிப்ரவரி இறுதியில் இருந்து குறையும் என்றும் எதிர்பார்க்கப்பட்டது. இந்த நெருக்கடியானது எரிபொருளுக்கு மேலும் பற்றாக்குறையை உருவாக்கும், மேலும் எரிபொருள் விலை நீண்ட காலத்திற்கு அதிகமாக இருக்கும். இது அபிவிருத்தியடைந்து வரும் பொருளாதாரங்களுக்கு பெரும் அடியாகும்” என அமைச்சர்கள் அமைச்சரவைக்கு வழங்கிய மாநாட்டில் ஜனாதிபதி தெரிவித்தார்.

இலங்கையில் உள்ள சுற்றுலாப் பயணிகள் மற்றும் ஊழியர்கள் உட்பட இஸ்ரேலியர்கள் இஸ்ரேலுக்குத் திரும்புவதற்கு உதவுவதற்கு உதவி கோரும் அதேவேளை, இலங்கைக்குள் இஸ்ரேலியர்களுக்குத் தேவையான பாதுகாப்பை வழங்குமாறு பொலிஸாருக்கு ஜனாதிபதி பணிப்புரை விடுத்துள்ளதாக ஜனாதிபதி ஊடகப் பிரிவு (PMD) தெரிவித்துள்ளது.

இஸ்ரேலில் பணிபுரியும் இலங்கையர்களின் பாதுகாப்பை உறுதிப்படுத்த உடனடி நடவடிக்கை எடுக்க வேண்டியதன் அவசியத்தை ஜனாதிபதி விக்ரமசிங்க வலியுறுத்தினார். இந்த நபர்களைக் கண்டுபிடித்து அவர்களின்  நல்வாழ்வை உறுதிப்படுத்துமாறு அவர் வெளியுறவு அமைச்சகத்திற்கு உத்தரவிட்டார்.

இஸ்ரேல்- பாலஸ்தீனப் பிரச்சனைக்கு `` இரு அரசுத் தீர்வு`` ( Two State solution ) என்ற கருத்தாக்கத்திற்கு இலங்கையின் நீண்டகால ஆதரவை மீண்டும் உறுதிப்படுத்திய ஜனாதிபதி விக்கிரமசிங்க, இஸ்ரேல் மீதான சமீபத்திய ஹமாஸ் தாக்குதலைக் கண்டித்தார். இதன் விளைவாக ஏராளமான பொதுமக்கள் உயிரிழந்தனர். இஸ்ரேலின் நடவடிக்கைகள் குறித்து கடந்த காலங்களில் விமர்சனங்கள் முன்வைக்கப்பட்ட போதிலும், இவ்வாறான தாக்குதல்களை நியாயப்படுத்த முடியாது என அவர் வலியுறுத்தியுள்ளார்.

ஜனாதிபதி விக்கிரமசிங்க, ஆபிரிக்க ஒன்றியத்தின் பிரேரணைக்கு இணங்க யுத்தத்தை உடனடியாக நிறுத்துமாறு அழைப்பு விடுத்தார், உலகளாவிய எரிபொருள் விலையில் இந் நெருக்கடி ஏற்படுத்தும் பரந்த விளைவுகளை வலியுறுத்தினார்.

☝

இஸ்ரேல் மற்றும் பலஸ்தீனத்தில் அதிகரித்துள்ள தாக்குதல்கள் மற்றும் வன்முறை குறித்து இலங்கை ஆழ்ந்த கவலை

 

ஊடக வெளியீடு

இஸ்ரேல் மற்றும் பலஸ்தீனத்தில் அதிகரித்துள்ள தாக்குதல்கள் மற்றும் வன்முறை குறித்து இலங்கை ஆழ்ந்த கவலை

இஸ்ரேல் மற்றும் பலஸ்தீனத்தில் அதிகரித்துள்ள தாக்குதல்கள் மற்றும் வன்முறை, மற்றும் அதனால் ஏற்பட்டுள்ள உயிர் இழப்புக்கள் குறித்து இலங்கை  ஆழ்ந்த  கவலையடைந்துள்ளது.

வன்முறையை உடனடியாக நிறுத்துமாறு இலங்கை அழைப்பு விடுப்பதுடன், பொதுமக்களின் உயிரிழப்புக்களைத் தடுக்கும் வகையில் அனைத்து தரப்பினரும்  அதிகபட்சமான கட்டுப்பாடுகளைக் கடைப்பிடிக்க வேண்டும் என கேட்டுக்கொள்கின்றது.

1967 எல்லைகளின் அடிப்படையில் அருகருகே வாழும் இரு நாடுகளினதும் சர்வதேச ரீதியில் ஒப்புக் கொள்ளப்பட்ட அளவுருக்களுக்கு இணங்க, பேச்சுவார்த்தை  மூலம் தீர்வு காண்பதற்கு ஆதரவளிப்பதற்கு இலங்கை உறுதியாக உள்ளது.

அன்புக்குரியவர்களை இழந்து வாடும் அனைவருக்கும் ஆழ்ந்த இரங்கலைத் தெரிவித்துக் கொள்வதுடன், பாதிக்கப்பட்ட குடும்பங்களுக்கு எமது அனுதாபங்களையும் தெரிவித்துக் கொள்கின்றோம்.

டெல் அவிவ் மற்றும் ரமல்லாவில் உள்ள இலங்கைத் தூதரகங்கள் நிலைமையை உன்னிப்பாகக் கண்காணித்து வருவதுடன், பாதிக்கப்பட்ட பகுதிகளில்  வசிக்கும் இலங்கையர்களுடன் தொடர்புகளைப் பேணி வருகின்றன. இதுவரை இலங்கையர் ஒருவர் சிறு காயங்களுக்கு உள்ளாகியுள்ளார்.

வெளிநாட்டு அலுவல்கள் அமைச்சு,

கொழும்பு

2023 அக்டோபர் 08